حصريا كلمات البوم ديكو (لو بإيدي) 2oo9

من طرف **شهيد الحب** الأربعاء يوليو 15, 2009 12:59 am

كلمات اغنيه كل زمان
للفنان احمد مكى من البومه القادم2009

بعمل سيرش ع اليوتيوب بكتب جدعان راب
لقيت بنت سابت كومينت اسمها كول ماهيتاب
قالتلى مكى مش هتصدق لما سمعنا الاغنية
تيتا قامت قالت يو يو وتس اب
بس ماما كان ليها رد فعل تانى وباعتة عتاب
لما سمعت منها شوية سرحت صرخت يومكوا هباب
فين ايامه فريد او شادية والست وموسيقار الاجيال
ولا حليم وطلال مداح وفايزة فى قلبي اليك ميال
مش هنكر مدى عظمتهم وزمانهم ده بجد جميل
حتى احنا بنتعلم منهم ازاي يبقي الفن اصيل
كل زمان بيكون له ادان وكل اوان بيكون له فنون
تخيل لو داخل علي واحدة وبتقولها يا زايزافون
وصدقينى وماسك وردة وفارق شعرك والببيون
بيعمل كده في الاربعينات ------------------ان
وتلقى البت تأفور ترعش وتقول بينا ع المأذون
بس في الالفية التالتة عليك هتشد البنت سيفون
ماهي اسألى مامتك هتقولك على اتقال فى ظهور عدوية
قالوا ساعتها ده هابط هابط بقه ملك الغنوة الشعبية
وانا بتكلم لغة الشارع لو الفاظى دي شورعية
عايزك تعرفى انى براب ومليش دعوة بالاغنية
ولا بتقطع شوق وعذاب ويجي يرشوا عليا المية
ولا ع الخضرة كمان بتمرمغ ولا بتنحنح فى الاغنية
ولا بدلع ولا بتمرقع ولا الكاميرا تجيب رجليا
ولا نفّخت وحطيت سيلكون ولا كبرت فى تتتتيت شوية
ولا بتريق انا علي بلدي أو علي ناسها واقول حرية
ولسانى كمان مش معوج بتكلم بطريقة عادية
مش زي الراب الموجود فى كتير منه بلكنة غبية
المولخية مية مية ويا سلام لو بالتقليه
شهية شهية وهي دي القضية
انا ناو مجرم فحت ومش بقلد الامريكان
مسقط بنطولنى وكل البوكسر مان
مدرسة المشاغبين قابلوا ساعتها معارضة قوية
قالوا دي تافهة ومش فاهمين وعملوا عليها بجد قضية
اهو دلوقتي وبعد سنين فى تراث المسرح وهمية
قولى يا طنط لو انا غلطان ممكن اجبلك امثال تانية
بس الاول هشكر نقدك اصل كلامك اثر فيا
فى اللي بينقد نقد بجد ده علي راسي ومية المية
وفى اللي يسب ويشتم فيا ده مش ناقد لا نفسية
يو يو يو
م الاخر مهما هكون مش هعجب برضه شوية
وهيطلع كام مليون يقولى عنى ده تييت مقلية
يشهد جحا ويا حماره واللي بيحصل حاجة عادية
ومثلى الاعلى بقه هيكون شاب ديليفرى عزيمته قوية
لابس خوذة وراكب فيزبة ولا بيخاف تخبطه عربية
ولا بيهمه كلاب الشارع بس يوصلكوا طلبية
وانا هعمل كده بمحطة وهكمل والناس حواليا
حاجة أخيرة انا عايز اقولها للى شتموا اظن لذيذة
كل واحد فينا ليه استياله واي واحد فينا له ميزة
فى اللي بيعجب واللي ما يعجب واللى ما عنده ياخد فيزا

.:: لو بأيدى ::.

من عيونه اة من عيونه يوعدونى بعدين يخونو لية سابونى اسهر ليالى
علمونى اعشق وادارى .. علمونى افضل فى نارى وفى غرامه وانا كنت مالى اة مالى

لو بأيدى هفضل معاة .. خد حياتى منى بهواه ولا قالى اه ولا قالى لا

من عيونه اه منها يانى حيرونى وسابونى فى ثوانى
كلة من عينيه يعنى ذنبى لية ناسينى وانا روحى فية

.:: الدنيا ::.

لو لفيت الدنيا ما انا برجع تانى واقول مافيش غير حضنك ليا انساك لا مش معقول
عمرى يوم مافكرت انساك لحظة واحدة عشتها ليا
كلمة قؤلتهالى ولمسة لمسة دافية يوم لـ ايديا

اياك تزعل منى .. ماهسيبك يوم زعلان
قولى خلاص طمنى قولهالى وعدها كمان

قلبى ليك وروحى وعمرى بس ترضا تانى عليا
دا انت نور حياتى وعمرى وانت ولله كل ما ليا

.:: اية اللى جرالك ::.

اية اللى جرالك اة يا قلبى من يوم ما قابلته وكلمته بدارى فى شوقك ومخبى
صدقنى كسوفك مش وقته اندهلى عيونه وقولهاله حبيته فى اول يوم شوفته

معقوله حقيقى انا لقيته اللى اتمنيته انا ليالى دقتله يا قلبى وحسيته ولا غيره بيخطر على بالى
دة انا كل كلامه بيشغلنى ومعاه اتغير كدة حالى

واخيرا من هستنا انا شوفت الجنة هنا فى عينيه مش هحلم ولا هتمنا كفايا اتهنا وانا حواليه
وبجد ماجاش على بالى فى يوم يجرالى اللى بقيت فية

.:: دايما فى بالى ::.

بكرة هتشوفها والله عينيا وافضل احلم واقول عدى يالا يا ليلى شوية قلبى بيها مشغول
والله لاخد ايديها فى حضنى وافضل احلم واقول واحكى ليها اللى بيعذبنى وانى عاشق بادوب

ولله ليالى يا غالى ومستنى انا .. دايما فى بالى وخيالى اشوفك انا
ووصف غرامى فى كلامى وتعرف كدة انى فى عيونها بدوب من سنين

قلبى قاعد يسمع ليا كل كلمة غرام .. اصله عارف تقرب هيا بنسا كل الكلام
قلبى خايف اروح ماتكلم اسكت اسرح ما قول ليها غير كلمتين واسلم واجى من تانى اقوم

.:: كلام غرامنا ::.

اول كلمة حبيبى نبتدى بيها الهوا نبتدى بـ وعد ما بينا نقولة انا وانت سوا
تحلف واحلف يا عمرى عمر شيىء مايهمنا ونكون دايما حبيبى بنكمل بعضنا

والشوق يعيش جوة فى قلوبنا مدى الحياه ولا يعرف الحزن طريقنا فى يوم ولا
تنزل دموعنا إلا مـ الفرحة يا غالى اوعدنى يالا وشاهدة عـالوعد الليالى

تحلف على بكرة انو عمرو مايعدى كدة لازم بكرة يجينا واحنا عايشين حبنا
لايقل الحب لحظة ولا يضعف مهما فات ولو ييجى يوم ونبعد بعد ثانية مش ساعات

وكلام غرامنا مايقولوش ولا حد تانى غيرنا حبيبى اقولة ليك وتقول عشانى
دايما ايدينا تبقا حاضنه بعضها اوعي حبيبى تنسا كلمة انا قولتها

.:: رد عليا ::.

رد عليا بحبه ومش بأيديا وجيت اناديه رد عليا ياريت لو حاسس بيا حبيبى ترد عليا ولو فى عينيك
انا على بالك ولا انت مش دارى حاسس بيا طب لية انت بدارى قرب منى لو قلبى غالى عليك

رد عليا طمنى يا هوايا غنى معايا دوب فى الهوا معايا ليه بتسبنى حيران ومشغول بيك

اللى فى قلبك ياللى شاغلنى طول الليل وانت مسهرنى اللى فى قلبك ايه
كل ما احن واحاول اقرب تبعد عنى يا غالى وتهرب انا مش عارف ليه

لية كدة بتحيرنى فى حبك ليه خايف والله بحبك حب انا عايش ليه
ولا غيرك حد انا مشتقله وبقول للعالم محتاجله وانا سهران لياليه .. ليه

.:: ريح قلبى ::.

ريح قلبى ياللى تعبنى انا فكرى احتار فى هواك اوعي تفكر يوم تلعب بي وتحيرنى معاك
عايز تيجى تعالى بس بلاش تتعالى .. انا ببعتلك بس رسالة لسة انا شارى هواك

اوعي يواد ياخدك فى غرورك انى انا ممكن ادوب فى بحورك انا والله مراعى شعورك علشان بينا كلام

وقبلك ياما قلبى اتعلم من قلبى يحب ويتكلم يعنى انا مش تلميذ بتعلم لسة فى اولى غرام

.:: طمن قلبك ::.

ياللى بحبك اوى وانا جمبك قلبى فى بعدك مشغول بيك
ياللى بحبك طمن قلبك هفضل فاكرك هفضل ليك
بعدى على عينى وانت نور عينى عمرى يا حبيبى انسا لا انسا ايامنا كل احلامنا دة انت يا حبيبى الحياة

هو مين يهواك يا ملاك وينسا هواك وشوقك لية مهما تبعد بستناك وحلمى لقاك انا بحلم بيه
كل ثانية بفكر فيك ..

.:: فى كلمتين ::.

ارجعلى يا حبيبى لية نعاد بس شوقنا دة الحب ما بينا مش هيسبنا ولا ثانية لـ فرقنا
مش كنت تقولى انك مشتقالى فى بعدى عنك وانا قال فاكرك ناسينى من سنين
وانا زيك يا حبيبى مش ناسى انك حبيبى فى بعادك كنت عايش بالحنين

ارجعلى يا حبيبى لية نعاند بس شوقنا دة الحب ما بينا مش هيسبنا ولا ثانية لـ فراقنا
وعتابنا لبعض كلو يخلص فى كلمتين

محدش عارف مايمكن بعادنا انا وانت يزيد حبنا
بسأل وخايف جاوبنى حبيبى لامتى يطول بعدنا

.........................