حل مشكله العضو الجديد سوبر

من طرف **Queen Of Love** الإثنين سبتمبر 24, 2007 8:23 pm

اولا يا سوبر احب ارحب بيك كعضو جديد معانا في المنتدي و عاوزه اقولك ان مشكلتك من ابسط المشكال بص يا سوبر البنت دايما تحب تحس ان اللي قدامها مهتم بيها اهتمام زياده عن اللي ممكن يهتمه باي بنت , الكلام ده لازم يكون علي اساس انها هي كمان في مؤشر للحب جواها يعني مينفعش تكون هي مش مهتمه خالص بيك و انت توريها اهتمامك الزايد لان المشكله انك لو بصيت حوليك ممكن تلاقي اي حد بيحبك و انت كمان مش حاسس بيه لكان لما تبص للي انت بتحبه لو مش انت اللي في خياله بمعني اقرب لو مش انت فارس احلامها لو جبتلها الدنيا تحت رجليها عمرك ما هترضيها عموما الموضوع بردوا متوقف علي شويه حاجات زي مثلا البنت دي ايه الاطار اللي انت عرفتها فيه يعني مثلا زميلتك في الكليه ولا في النادي و لا جارتكوا لانها تفرق فقي حاجات كتير عرفتها امتي و بقالكوا قد ايه تعرفوا بعض انت تعرف ايه عن حياتها اللي فاتت و هي تعرف ايه عنك هستني ردك و ان شاء الله نوصل مع بعض للاصلح و شكرا

مي السبكي

من طرف ماى دريم الثلاثاء سبتمبر 25, 2007 10:10 pm

أولآ :-

برحب بالسوبر معانا منور:idea:المنتدى
ثثانيآ :-
لو الوحد بيحب إى حد مش شرط بنت لو واحد صاحبه
لازم الطرف الثانى (الحبيب - الصديق - ؟؟؟؟......الخ)
يحس بهذا الحب من طريقت الكلام أو المعاملة
ثالثآ :-
ممكن الواحد يقابل وأحدة أكبر منة فى السن ويحبها
وممكن الواحد يقابل وأحدة أقل منه فى أشياء ويحبها
طبعأ : هو مابيكونش حب بيكون إعجاب ......
أزاى ؟
ممكن الواحد يكون معجب بحجات معينة زى
طريقت الكلام - التفكير - الشياكة - ......الخ
ومن هنا العقل الباطل بيهيئ الأعجاب الى حب
بس طبعآ تهيئات وشكرآ

من طرف **Queen Of Love** الأربعاء سبتمبر 26, 2007 1:31 am

مشكور يا حلمي علي مرورك الجميل ده و انا معاك بس حاول تخش علي المشلكه اصلا عشان تعرف تحيط بيها كويس و مره تانيه مشكوووووووووووور

مي السبكي

من طرف ماى دريم الأربعاء سبتمبر 26, 2007 4:42 am

حاول تخش علي المشلكه اصلا عشان تعرف تحيط بيها كويس

_____

أنا مش سوبر ولا صاحب الموضوع

أنا لما قرأت موضوعك لسوبر

حبيت أوضح لسوبر بعض الأشياء بس

ده كان مجرد توضيح.....

لكى تحياتى

من طرف ماى دريم الخميس سبتمبر 27, 2007 6:37 pm

من طرف زائر الجمعة سبتمبر 28, 2007 3:02 am

مشكور يا جماعه على الرد هى يا مى جارتى سكنه فى نفس العماره اللى ساكن فيها جدى اعرفها من زمان من سنين لما كنا بنلعب مع بعض واحنا صغار وحبتها من وانا صغير

هحكيلك القصه

قبلتها مره فى باب العماره وانا طالع لجدى ووقفنى مع بعض وخت رقم تليفونها وخدت تليفونى وكنت بكلمها على الموبايل كل يوم وحسستها انها احسن وحده عندى فى الدنيا وفى مره قلتلها انى بحبها إإإإإإ استغربت وقالتلى ماكنتش اتوقع انك تقول كده احنا طول عمرنا اخوات قوات لها بس انا بجد بحبك وخلاص قفلنا

تانى يوم

هى حكت لختها واختها كلمتنى وقالتلى مش معنى انها ادتك التليفون انك تقولها بحبك هى فكرانى كل بنت بكلمها بقولها بحبك بس

وغظب عنى بعدل الاسماء مسحت رقمها من عندى وقعت بتاع اسبوعين ورحت لجدى وقبلتها برده وهى بتركب تاكسى ففاقولتلها مابترنيش خالص ولابتسألى فاقلت لى رقمك اتمسح من عندى ولله وبقالى شهرين كده مش عارف عنها اى حاجه وعايزها تحس بيا

اعمل ايه يا جماعه

مستنى منكو الحل ياجماعه

من طرف ماى دريم الجمعة سبتمبر 28, 2007 6:48 am

أكيد ياسوبر أنته بتاع بنات صح ؟

ماعلينا .....

المهم:-

أوع تكون بتضحك عليها وعلينا أحنا فى رمضان وماتشيلناش ذنوب على العموم الأعمال بنيات وإذا كان فى ذنب إنته إللى هاتشيلو

بس ياسيدى أنت ماحولتش تعمل أى حاجة تحاول تحسسها أنك صادق طبعآ فى حجات كتير كانت المفروض تتعمل من شهرين ( عادا وفات) خالينا فى دلوقتى تجيب رقم موبيلها تانى طبعآ سهلا ولو صعبة هاحلهالك تخليها خارجة وتخلى واحدة صحبتك أو قربتك أو واحد صحبك يكون صوتة ناعم يعمل صوت بنت ويسأل عليها الو أذيك ياطنط أو إنكل أو عمو... أنا هبة.. ممكن أكلم (فلانة) طبعآ هايقولو مش هنا دى فى الحتة الفلانيه... أخ طب أعمل إية دلوقتى أنا مسافرة كمان ساعة ومش هاجى إله بعد العيد وعاوزها علشان إديها الموبيل ... هايقلو موبيل أية ؟ أصل الموبيل بتاعى أتسرق وهى أدتنى جهاز وماعرفتش أجيب النمرة القديمة لأن العلبة ضاعت وحبت خط وجهاز جديد ... طب الرقم بتاعها كام هم هايقلو على طول ولو طلعو مفتحين وطلبو رقم المتصلة يكون الرقم دا بتاعك أنته .... ممكن تقولى مش عارف رقم البيت ؟ أقولك أنا إللى عملت فى نفسى كده من دفتر تليفونات جدك أو تجيب أسمة بكامل من على بابا الشقة ومن النت (الفوتير) لما تحط الأسم بيجب الرقم وتتعااامل .......

وتكلمها بس أهم حاجة تختار الوقت المناسب واحسن تكلمها بعد رمضان بس يكون فى وقت متأخر علشان ماتكونش مشغولة ويكون الجو مهيأ أنها تسمعك وتقولها على كل إللى فى قلبك من أحسياس ومشاعر ولو أنته صادق صدقنى هاتحس بكلامك وبمشاعرك ودقات قلبك وحرارة جسمك وتهتهتك وتنهتك وصوتك يكون واطى وأنت بتتكلم وأهم حاجة الصوت الواطى الواطى أوى لآن الصوت الوطى فى مواضيع الحب بيكون أحسن من الصوت العادى أو العالى الصوت العالى أو العادى يكنك حافظ حاجة وبتسمعها... ولو ليكى ماضى وسألتك علية وأنت عاوز تتكلم فيها ماتقولش أسماء علشان الرجولة لو الواحد عمل علاقة مع أى واحدة ماينفعش يذكر أسمها حتى لو العلاقة أنقطعت وكانت هى السباب .... وياخوفى لتكون مرتبطة

م ت ا ب ع

من طرف **Queen Of Love** الجمعة سبتمبر 28, 2007 2:28 pm

والله يا سوبر انا شايفه ان حلمي كلامه صح و شكله بيفهم قوي في الواضيع دي شكله حبيب قديم بس انا في حاجه تانيه عايزه اركز عليها عشان حلمي قالها بس مرزش عليها و هي انك كان المفروض ان في حاجات تانيه كتير تتعمل تبينلها انك مهتم بيها من زمان يعني
يعني مثلا هديه في عيد ميلادها لما تحسسها انك بتغير عليها يعني في شويه حاجات كده المفروض اني مقلهالكش :oops: و خد بالك زي ما حلمي قالك لما تكلمها كلمها بالليل
و صح موضوع الصوت ده يا حلمي ههههههههههههههه
و ان شاء الله خير و توصلها و تحس بيك و ابقي طمنا
مي السبكي

من طرف زائر الجمعة سبتمبر 28, 2007 4:22 pm

ماشى يا حلمى انت ومى هسمع كلمكو بس فى مشكلتين

اولا افرد كانت متعلقه بواحد تانى دى لوحدها 10 مشاكل

ثانيا لما اكلمها اقولها ايه ما انا كل حاجه قولتها

على فكره يا مى انا معرفش عيد ميلادها امتى علشان هى فى بلد وانا فى بلد

على فكره يا سوبر انا ما كلمتش بنات قبل كده يعنى موضوع الاسماء مش هيحصل

مستنى برده حل المشكله ؟

من طرف زائر الأحد سبتمبر 30, 2007 8:49 pm

ايه يا جماعه انتو نستونى ولا ايه

من طرف محمد على الإثنين أكتوبر 01, 2007 3:36 pm

بص يا سوبر مع احترامى لباقى العضاء اللى ردوا على الموضوع

انت المفروض تفكر اولا انت بتحبها بجد ولا لا

وثانيا لازم تتاكد من بعيد لبعيد انها مرتبطه بحد تانى ولا لا

ولو كانت مرتبطه يبقى لازم انت تبعد عنها فورا وتنساها

ولو مش مرتبطه يبقى انت لازم تقربلها اكتر

يعنى اولا هتروح لحد عندها وتسالها عن اخبارها وتحسسها انها فعلا وحشتك

وكمان تسالها على رقم الموبيل بتاعها مره تانيه وانك كنت متضايق جدا ان الرقم الاولانى ضاع منك غصب عنك

دا غير انك هتقلها انك عايز تتكلم معاها فى موضوع مهم

وتحاول وانت بتتكلم معاها انك تحسسها انك بتحبها جدا ودى مقدرش اقول تعملها ازاى

لكن انت اكيد هتكون حاسس من تصرفاتها انها هى كمان عندها استعداد تحبك او لا

وساعتها تقدر تقرر اللى تعمله ايه بالظبط

اما انك يكون عندك اصرار على انك تكمل فى المشوار ده او انك تقرر انك تنساها للابد

وتعيش حايتك وتجرب مره تانيه مع واحده تانيه

وصدقنى يا سوبر الدنيا مش بتقف عند واحده

وكمان انت لازم تكون انسان حساس يعنى لازم تفهم الامور كويس

ازا كانت مش بتحبك يبقى لازم تنساها فوراوكمان ياريت تحكم عقلك اكتر ما تحكم قلبك

ويارب تكون وصلتك وجهت نظرى

من طرف زائر الإثنين أكتوبر 22, 2007 5:33 am

شكرا يا محمد

شكرا يا ماى دريم
شكرا يا مى
على اهتمامكو بالموضوع ولله انا عملت اللى عليا والباقى على ربنا شكرا مره تانيه يا جماعه

امال مى فين يا جماعه مش بينا ليه ياريت اللى يعرف هنها حاجه ياريت تطمنا عليها