حوار لمحمد فؤاد مع جماهيرة على الشات

من طرف **شهيد الحب** السبت نوفمبر 10, 2007 2:25 pm

بسم الله الرحمن الرحيم
دة حوار لمحمد فؤاد مع محبية على الشات اتمنة انة يعجبكم
محمد فؤاد: إزيكم كلكم.... انا سعيد جداً إنى معاكم على arabia...
ياللا نتكلم مع بعض شويه!

*****إيه إللى بيدفعك للغنا بهذا الشكل؟
فؤاد: عدد من الأحاسيس بيخلينى أغنى بالطريقه إلى بغنى بيها دى، البيئه إللى إتربيت فيها، وحبى للغناء هو عامل تانى.

**** ما هو الأهم بالنسبه لك..الحب أم الغناء؟
فؤاد: الحب هو الذى يجعلنى أغنى

**** هل تحب الchat؟؟؟ وهل دى المره الأولى؟؟؟
فؤاد: لأ دى المره التانيه..وانا فعلاً بحب الكومبيوتر بصفه عامه وبستعمله كتير فى شغلى.

**** هل مراتك بتغير لما بتبوس بنت فى اى فيلم؟؟
فؤاد: انا عملت (إسماعيليه رايح جاى) عشان أمنع المشاهد دى من الأفلام.

**** تقول إيه للى بيقولوا إنك مشهور لأن أغانيك وكليباتك فيها رقص؟
فؤاد: انا ماعتقدش إن أغانيا بتعتمد عالرقص.

****إيه رأيك فى إللى إعتزلوا الفن وبيقولوا إن الغناء حرام؟
فؤاد: يبقى غنائهم كان حرام.

****لو إنت مش مطرب...كنت تحب تكون إيه؟
فؤاد: كنت أحب أبقى مهندس ميكانيكا فى شركة (BMW)

**** إيه رأيك فى حزب الله؟
فؤاد: أى إسم فى كلمة(الله) المفروض يكون محبوب من أى مسلم...وانا مسلم.

**** إيه أكلتك المفضله؟؟
فؤاد: الملوخيه

**** إيه معنى الحياه بالنسبه لك؟
فؤاد:الحب هو الحياه كلها

*****عندك كام سنه يا محمد؟
فؤاد: 86.........

****إللى بحبه فى أغانيك إنك مش بتجيب بنات كتير فى كليباتك عشان يرقصوا....تقول إيه للفنانين إللى بيعملوا كده؟
فؤاد: أعتقد إنهم ليهم رؤيه خاصه فى كيفية جذب جماهيرهم...

**** إيه إيميلك؟
فؤاد: لأ ده حاجه خاصه

**** ليه دايماً مابتجاوبش على طول دغرى؟ ماقلتش كام عمرك... ورأيك فى حزب الله ..و بتاخد كام فى ألبوماتك او أفلامك؟
فؤاد: انا مستنى السؤال ده. حزب الله هاقول عنه تانى إن مافيش مسلم مابيحبش حزب الله وانا مسلم..(مش دى إجابه دغرى بردو) وسنى 36(بس خليها فى سرك).

**** عمرك بكيت؟ وهل تعتقد إن البكاء ممكن يحسن حالة الإنسان أحياناً؟
فؤاد:انا مش بحب البكاء ولكن البكاء ليه مميزاته وأكبر ميزه إنك ممكن تفضفض وتتخلص من همومك بالبكاء وانا عندى قلب مش جبل تلجى.

**** بتحب الفول أكتر...وللا الطعميه؟
فؤاد: انا عامل ريجيم بقالى 3 اسابيع ونفسى فى الفول والطعميه دلوقتى وبحلم بيهم كل يوم. دايماً بشوف طبق الفول على الحصان الأبيض جاى وهاياخدنى معاه..

****انا إسمى غاده وعندى 9 سنين وبحب أغانيك أوى.
فؤاد: بحبك..بحبك..بحبك..بحبك

****عندك كام عربيه؟
واحده BMW والتانيه Z3 للفُسح ..وإسمها كامننا.

****بتعمل إيه فى وقت فراغك؟
فؤاد:بطير طيارات(مش حقيقيه) وبلعب كوره.

****إنت ساكن فين دلوقتى؟
فؤاد: القاهره/ مصر.

**** بتحب الأكلات اللبنانيه؟
فؤاد: بحب العرايس والصفيحه

****بتحب مين من المطربيين العرب؟
فؤاد: كل إللى بيغنوا ماعدا .......إللى لسه مابتادوش غناء..

****لو هاتوصف نفسك...هاتقول إيه؟
فؤاد: حالم....بحلم وحلمى بسيط، بحلم أكون نفسى!

**** إيه أكتر حاجه بتخوفك؟
فؤاد: الغد، بغض النظر عن إنى متفائل.

**** بتحب عمرو دياب؟؟
فؤاد: ومين مايحبش عمرو دياب.....!!!!

*** هل ممكن تعمل دويتو مع أى فنان عربى...ولو بتفكر فى كده..مع مين؟
فؤاد: أحب أغنى مع كل حد

**** إيه أكتر فيلم بتحبه؟
فؤاد:إسماعيليه رايح جاى..

**** مين إللى ساعدك تبقى نجم؟
فؤاد: ناس كتير خصوصاً..جماهيرى

**** إنت مصاحب حد....متجوز؟؟
فؤاد: أيوه متجوز....ومصاحب (مراتى)

**** لو إبنك عايز يغنى...هاتشجعه وللا لأ؟
فؤاد: لأ لأ لأ

**** مين أكتر ممثل/ممثله بتحبهم؟
فؤاد: أحمد ذكى، محمود عبد العزيز، عادل إمام، يحيى الفخرانى، عبله كامل، بوسى، و.... و.... و.... و

***** بتحب الشيكولاته؟؟
فؤاد:لأ.. بس بحب أشتريها

**** بتحب الأغانى الأوروبيه...مين؟
بحب...فيل كولينز.

فؤاد: فى الآخر أحب أشكركوا كلكوا وانا إنبسطت وقضيت وقت سعيد وجميل معاكوا
وتصبحوا على خير....

يلا مستنى الردود